It-Taqsima Gvern, Entitajiet Pubbliċi u Saħħa fi ħdan il-General Workers’ Union (GWU) kisbet l-għarfien uffiċjali fl-Information Class u l-Economics Class, żewġ klassijiet separati fis-Servizz Pubbliku.
Dan l-eżerċizzju seta’ jseħħ wara li l-maġġoranza tal-ħaddiema f’dawn il-klassijiet għarfu l-benefiċċji li jissieħbu fl-akbar unjin tal-pajjiż, fil-General Workers’ Union.
Ir-rikonoxximent ngħata wara l-proċess ta’ verifika mid-DIER li kkonkluda li l-maġġoranza tal-ħaddiema huma membri mħallsa tal-Union.
Il-GWU hija kommessa lejn il-membri tagħha u se tara li jsir Ftehim Settorjali għalihom b’aktar kundizzjonijiet aħjar. It-Taqsima rringrazzjat lill-membri tal-fiduċja tagħhom u lir-rappreżentanti li ħadmu bis-sħiħ sabiex iġibu l-għaqda bejn il-ħaddiema.