It-Taqsima Professjonisti, Finanzi u Servizzi fi ħdan il-GWU kisbet l-għarfien uffiċjali f’Tech.mt.
Dan l-eżerċizzju seta’ jseħħ wara li l-ħaddiema fil-gradi ta’ Senior Managers, Managers u Coordinators għarfu l-benefiċċji li jissieħbu fl-akbar unjin tal-pajjiż.
Ir-rikonoxximent ngħata wara l-proċess ta’ verifika mid-DIER li kkonkluda li dawn il-ħaddiema kollha fil-gradi msemmija huma membri mħallsa tal-Union.
Il-pass li jmiss hu li jibdew in-negozjati mal-maniġment għal Ftehim Kollettiv ġdid bil-għan li jitjiebu l-kundizzjonijiet ta’ dawn il-ħaddiema.