L-Assoċjazzjoni Maltija tal-Hockey matul dan tmiem il-ġimgħa se jniedi l-ewwel turnew tal-Hockey 5s fil-Kumpless f’Kordin.
L-ewwel round ta’ din il-kompetizzjoni se jsir nhar il-Ħadd li ġej bejn id-9.30am u 12pm.
Erba’ timijiet se jkunu qed jieħdu sehem f’din il-kompetizzjoni u dawn huma Qormi Daikin, Trust Payments Floriana Young Stars, White Hart u GREE Żurrieq Wolves Hotsticks.
Fi stqarrija. l-HAM qalet li din il-kompetizzjoni hi waħda innovattiva hekk kif tkompli l-ħidma tagħha biex iżżid il-parteċipazzjoni f’din il-logħba.
Matul l-istaġun li għadda nxtara apparat apposta li bih ikun jista’ jintlagħab dan il-logħob u kien sar festival sabiex il-plejers jibdew jilagħbu din il-logħba meqjusa waħda b’pass aktar veloċi.
