Brighton dawru telfa f’rebħa biex eliminaw lill-holders tal-FA Cup Liverpool bl-iskor ta’ 2-1.
Kienet rebħa meritata u setgħu rebħu bi skor akbar u komplew jixħtu lir-Reds f’aktar kriżi li xejn ma jista’ jiġihom tajjeb f’dan l- istaġun li fil-veritá batew min-nuqqas ta’ players li qed jirkupraw minn injury fit-tul li ħarbtu għal kollox il-pjani tal-coach, Jurgen Klopp.
Peró issa prattikament l-istaġun għar-Reds huwa mitmum hekk kif jinsabu eliminati minn kollox minkejja li jinsabu fil-UEFA Champions League meta fi ftit ġranet oħra se jiffaċċjaw lil Real Madrid.
Kien Harvey Elliott (30) li fetaħ l-iskor għal Liverpool iżda Brighton kisbu d-draw meta x-xutt ta’ Tariq Lamptey ħabat ma’ sieq Lewis Dunk (39) li qarraq għal kollox bil-goalkeeper Alison.
Iżda fil-ħin miżjud, il- Ġappuniż, Kaoru Mitoma, skorja ġmiel ta’ goal biex ibbukkja post it-team tiegħu fil-ħames round.
