Il-jott Maltese Falcon II jirbaħ il-Klassi IRC fit-62 edizzjoni tat-Tellieqa Malta – Siracusa

Ir-Royal Malta Yacht Club u l-Lega Navale Italiana (Sezione Siracusa) ospitaw it-62 edizzjoni tat-Tellieqa Malta – Siracusa.

It-tellieqa hija l-eqdem regatta fil-Mediterran u dejjem attirat flotta mdaqqsa b’ismijiet notevoli. It-tellieqa ta’ din is-sena ma ddiżappuntatx. Dgħajjes li pparteċipaw raw taħlita varjata minn dgħajjes tat-tlielaq għal dgħajjes tal-cruiser/racer, li kull wieħed minnhom kellu l-potenzjal li jirbaħ.

It-tellieqa bdiet ftit ‘il barra mill-Port ta’ Marsamxett, il-flotta bdiet bil-mod hekk kif ippruvat issib ir-riħ fi triqthom ‘il fuq lejn il-fliegu ta’ Kemmuna  u Għawdex,  qabel marru lejn Sirakuża fuq korsa ta’ 105 mil nawtiku.

B’riħ varjabbli jonfoħ bejn erba’sa mili nawtiċi fis-siegħa u diversi każijiet fejn ir-riħ waqaf kompletament Artie III ta’ Lee Satariano kiser ir-rekord tal-korsa li issa huwa ta’ erbgħa u għoxrin siegħa, ħamsin minuta u erbgħin sekonda.  Artie għeleb ir-rekord preċedenti, li kien ukoll stabbilit mill-istess jott, b’siegħa, ħames minuti u wieħed u tletin sekonda.

F’kumment wara t-Tellieqa, Satariano irrimarka li “Kien tajjeb li terġa’ tipparteċipa fit-tellieqa Malta-Sirakusa, minkejja l-irjieħ ħfief.  L-aħħar 30 mil ir-riħ waqaf kważi kompletament”

Il-Klassi Overall ORC intrebħet minn Dominguin, li rebaħ ukoll il-Klassi cruising ORC u l-Overall IRC intrebħet minn Maltese Falcon II ta’ Jonathan Camilleri Bowman u Adrian Gauci Borda. Janissah ta’ Mario Debono ġiet ippreżentata bit-trofew rebbieħ tal-IRC Cruiser.

“It-Tlielaq Malta – Syracuse hija tellieqa storika li tgħaqqad flimkien żewġ klabbs stabbiliti sew, biex jiġru f’ambjent kompetittiv ħafna iżda li jkun ta’ ħbiberija. Kien sabiħ li nilqgħu lura lill-ħbieb Taljani tagħna fil-Club, li wħud minnhom ilhom jieħdu sehem f’din it-tellieqa għal ħafna snin” qal David Cremona, Commodore, Royal Malta Yacht Club “Grazzi speċjali tmur għaż-żewġ Clubs u l-voluntiera dedikati tagħhom li il-passjoni għat-tbaħħir tarahom jikkontribwixxu tant ħin għall-isport”.

62^nd Malta – Syracuse Riżultati