Il-Federazzjoni Kaċċaturi Nassaba Konservazzjonisti (FKNK) għamlet referenza għal-laqgħa li saret l-Erbgħa tal-Kumitat Ornis fejn argument zgħir ġie interpretat bħala attakk fiżiku.
“Wieħed jawgura li tali sitwazzjoni tiġi ndirizzata mill-perspettiva ġusta tagħha u ma jsir l-ebda kapital inġust minn tali inċident.”
“Għaldaqstant u filwaqt li l-FKNK tiskuża ruħa mas-Sur Richard Lia jekk dan ħassu b’xi mod imdejjaq għal li ġara, tavża li din il-kwistjoni sejra tiġi diskussa internament,” qalet l-FKNK.
Sadanittant, il-Kap Eżekuttiv minn jeddu ssospenda ruħu bħala rappreżentant tal-FKNK minn fuq il-Kumitat Ornis.