Min-naħa tiegħu waqt il-ftuħ tas-26 edizzjoni ta’ L-ISTRINA, il-Kap tal-Oppożizzjoni Bernard Grech qal li llum hija l-ġurnata fejn il-poplu Malti u Għawdxi kollu jaħseb f’ħutna Maltin u Għawdxi li forsi m’għandhomx l-istess fortuna li huma b’saħħithom.
“Ilbieraħ tajna r-rigali lill-għeżież tagħna fil-familji tagħna. Illum huwa l-mument fejn naħsbu u nagħtu rigal lill-għeżież tagħna Maltin u Għawdxin li għandhom bżonn l-għajnuna tagħna. Din hija l-ġurnata li fiha nsarrfu l-imħabba, l-għożża li għandna għal xulxin biex magħqudin nagħmlu l-ħajja ta’ ħaddieħor aħjar,” qal Dr Grech.
