AC Milan ħabbru li għandhom sidien ġodda wara li l-konsorzju Amerikan, RedBird, laħaq ftehim ma’ Elliot Management biex jixtri l-club tar-Rossoneri.
It-taħdidiet ilhom għaddejjin għal dawn l-aħħar ġimgħat biex finalment il-club inxtara għal €1.2 biljuni.
Elliot Management se jibqgħu parti mit-tmexxija tal-club b’sehem żgħir fejn se jkollhom siġġu fil-Bord tad-Diretturi.
Dan il-bejgħ mistenni jiġi finalizzat f’Settembru li ġej minħabba t-tul tal-proċess.
