Id-deputat Nazzjonalista Jason Azzopardi sostna fil-Parlament li l-Partit Laburista rebaħ l-elezzjoni ġenerali tal-2017 b’ingann.
Fil-Parlament huwa irrefera għax-xiehda ta’ Keith Schembri fl-inkjesta pubblika u sostna li wara tliet snin gideb ħarġet il-verità jiġifieri, skont hu, li l-elezzjoni ssejħet mhux minħabba l-Egrant.
Huwa qal li inutli li l-Gvern joqgħod jitkellem fuq il-vjolenza domestika meta Daphne Caruana Galizia kienet vittma ta’ mibgħeda u iddemonizzaha.
Azzopardi qal li huwa jistenna li l-Partit Laburista u Robert Abela għandhom jiddistakkaw ruħhom minn Joseph Muscat.
