Il-logħba tal-kampjonat Spanjol ta’ Barcelona f’Cadiz twaqqfet għal madwar 50 minuta minħabba li partitarju kellu bżonn ta’ emerġenza medika.
Il-Katalani kienu qed jirbħu bl-iskor ta’ 2-0
meta kien fadal inqas minn 10 minuti meta seħħ l-inċident.
Il-goalkeeper ta’ Cadiz, Jeremias Ledesma, ġera tul il-ground b’kit mediku u xeħtu fl-istands biex kien strumentali biex partitarju salva minn attakk f’qalbu.
L-istess partitarju ttieħed l-isptar b’ambulanza u l-coach ta’ Barcelona, Xavi Hernandez, qal:”Ilkoll qbilna li nwaqqfu l-logħba. Dan it-tip ta’ inċident imur lil hinn mill-football fejn hawn qed nitkellmu dwar ħajja umana.
“Fortunament irnexxielhom isalvawh.”
Meta tkompla l-logħba Barcelona skorjaw darbtejn oħra biex rebħu bl-iskor ta’ 4-0 għar-raba’ rebħa konsekuttiva.
Il-goals waslu minn Frenkie de Jong (55), Robert Lewandowski (65), Ansu Fati (86) u Ousmane Dembele (92).
