Min-naħa tiegħu l-Whip tal-Partit Laburista Glen Bedingfield qal li l-poplu ma’ dan il-gvern jaf fejn qiegħed. Huwa qal li l-Oppożizzjoni marbuta mal-passat u li n-nies qiegħda tagħraf dan il-fatt.
“Aħna ma nagħmlux politika biex nerbħu l-elezzjoni imma nerbħu l-elezzjoni għax nagħmlu politika tajba”, kompla Bedingfield.
Huwa qal li f’waħda mill-mistoqsijiet tal-opinjoni pubblika n-nies jiġu mistoqsija jekk humiex qegħdin jgħixu aħjar jew agħar meta kkumparat ma’ ħames snin jew għaxar snin ilu.
Il-Whip Laburista qal li l-maġġoranza assoluta tan-nies f’kull qasam tal-ħajja jwieġbu li qegħdin jgħixu kwalità ta’ ħajja aħjar u li huwa biss gvern Laburista li jista’ jibqa’ jiggarantixxi dan it-titjib.
