Waqt li kienu qed jiddiskutu dwar il-Ministeru għall-Ġustizzja u l-Governanza, il-Kap tal-Oppożizzjoni Bernard Grech qal li l-ħidma ta’ dawk fil-Kamra tar-Rappreżentanti hija li jonoraw u li jaqdu lill-poplu billi jagħmlu l-aħjar użu mill-fondi tal-poplu.
‘Il-poplu fl-elezzjoni li għaddiet tagħkom il-maġġoranza biex tipproteġu l-interessi tagħhom u mhux biex tipproteġu l-interessi tagħkom jew ta’ sħabkom. Infakkarkom ukoll li din il-maġġoranza li għandkom illum jew għada se tgħaddi u llum jew għada se jkollkom tagħtu rendikont lill-poplu Malti u Għawdxi kollu.
