Uffiċjali mill-Malta Blackball Federation flimkien mar-rebbieħa tal-midalji tad-deheb fl-aħħar Kampjonat Ewropew tal-Blackball għamlu żjara ta’ kortesija lill-Prim Ministru ta’ Malta Dr Robert Abela fil-Berġa ta’ Kastilja fil-Belt Valletta.
Din iż-żjara seħħet wara l-aħħar riżultati pożittivi li t-timijiet nazzjonali Maltin kisbu fl-aħħar Kampjonati Ewropej li saru fil-belt Irlandiża ta’ Ennis. Il-kontinġent Malti kien immexxi mill-president tal-Malta Blackball Federation Philip Gatt flimkien ma’ xi uffiċjali oħra mill- Kumitat Eżekuttiv.
Il-Prim Ministru filwaqt li feraħ lill-plejers Maltin, kellu diskursata interessanti magħhom dwar din id-dixxiplina tal-cuesport.
Preżenti wkoll kien hemm il-Ministru tal-Edukazzjoni u Sport l-Onorevoli Dr Clifton Grima.
