Id-deputat Nazzjonalista David Thake staqsa lill-Ministru għall-Intern, Sigurta Nazzjonali u Infurzar tal-Liġi Byron Camilleri fiex waslu l-investigazzjonijiet rigward il-‘wind farms’ fil-Montenegro, min ġie interrogat u min huma l-uffiċjali fuq il-każ.
Waqt li saħaq li d-deputat Nazzjonalista għandu jifhem li kull investigazzjoni hi xogħol il-Pulizija u mhux il-politiku, Camilleri spjega kif huwa infurmat li hemm investigazzjoni għaddejja u ma jkunx f’loku li jingħataw dettalji li jistgħu jippreġudikawha.
