L-istati kollha tal-Unjoni Ewropea se jibdew il-programm ta’ tilqim kontra l-Covid-19 fl-istess ġurnata. Dan kien ikkonfermat mill-President tal-Kummissjoni Ewropea Ursula von der Leyen f’kumment li għamlet fuq Twitter.
Von der Leyen irreferiet għall-programm ta’ tilqim bħala “biċċa xogħol kbira. Ejjew nibdew bil-vaċċinazzjoni flimkien, bħala 27, fl-istess ġurnata.”
Von der Leyen indikat li r-raġuni wara din id-deċiżjoni hija t-turija ta’ solidarjetà fost l-istati membri hekk kif “konna magħqudin tul il-pandemija, se noħorġu minnha flimkien u magħqudin.”
To end the pandemic, we need up to 70% of the population vaccinated.
— Ursula von der Leyen (@vonderleyen) December 16, 2020
This is a huge task. So let's start rapidly with the vaccination together, as 27, on the same day.
As we have been united through the pandemic, we will get out of it together & united. pic.twitter.com/bpFpkjUuGR
L-Unjoni Ewropea għad trid tapprova l-vaċċin kontra l-Covid-19 madankollu rapporti fil-midja qed jindikaw li r-regolatur tal-mediċina tal-UE mistenni li jieħu d-deċiżjoni dwar is-sigurtà tal-vaċċin ta’ BioNTech-Pfizer fil-21 ta’ Diċembru.
Fil-kumment tagħha von der Leyen qalet li biex il-pandemija tiġi fi tmiemha, 70% tal-popolazzjoni jeħtieġ li trid tiġi vaċċinata.
