Wara t-telfa umiljanti tal-Arġentina bl-iskor ta’ 2-1 kontra l-Arabja Sawdija, Lionel Messi kien il-mira tal-partitarji meta marru fuq Twitter biex juru l-għadab tagħhom għall-faqar ta’ football li wera hu kif ukoll il-players kollha.
L-attakkant ta’ Paris SG fetaħ l-iskor minn penalty wara biss 10 minuta li fil-veritá kien wieħed dubjuż iżda ingħata permezz tal-VAR.
Barra minn hekk huma kellhom tliet goals imħassra għal pożizzjonijiet ta’ offside.
Iżda kontra kull mistenni, fit-tieni taqsima l-Arabja Sawdija dawru telfa f’rebħa biex hija meqjusa bħala waħda mill-akbar sorpriżi fl-istorja tat-Tazza tad-Dinja.
Il-partitarji mmiraw ir-rabja tagħhom lejn Messi b’messaġġi offensivi.
