Wara sigħat twal ta’ diskussjonijiet matul il-jum tal-Ġimgħa, illum l-Prim Ministru Robert Abela jissokta bl-impenji tiegħu f’laqgħat importanti waqt is-Summit Speċjali Ewropew fi Brussell dwar il-Budget Ewropew għas-seba’ snin li ġejjin u l-pakkett ta’ rkupru.
Ilbieraħ il-mexxejja tas-27 stat membru tal-Unjoni Ewropea għamlu sigħat twal għaddejjin bid-diskussjonijiet, bil-għan li jilħqu ftehim fuq il-budget Ewropew għas-seba’ snin li ġejjin u l-pjan ta’ rkupru wara l-imxija tal-Covid-19.
