Aħbar pożittiva mill-Polonja u dan hekk kif il-pajjiż irreġistra l-anqas rata ta’ każijiet ġodda fi żmien xahrejn.
Il-figuri maħruġin mill-Ministeru għas-saħħa fl-aħħar sigħat juru li kien hemm 219 każ ġdid ta’ persuni infettati bil-Covid-19. Fil-jum ta’ qabel kien hemm konferma ta’ 416-il każ ġdid.
In-numru ta’ persuni li mietu u li kienu infettati bil-virus niżel minn 10 għal tlieta bejn is-Sibt u l-Ħadd.
It-total ta’ każijiet fil-pajjiż qed iqarreb l-24,000 u l-vittmi qabżu l-1,000 persuna.
