“Għal darb’oħra dak li ġbidna l-attenzjoni għalih ftit ġimgħat ilu reġa’ ġara. Diversi membri għamlu kuntatt magħna minħabba diversi problemi relatati ma’ overtajm, allowances u ħlas ta’ extra.” Hekk qalet il-Police Officers’ Union fi ħdan il-General Workers’ Union filwaqt li tenniet li bħalma l-amministrazzjoni tistenna li l-membri tal-Korp jaqdu dmirijiethom, l-istess għandha għall-pulizija li jitqiesu bħal kulħadd fis-soċjetà.
Il-POU saħqet li talbet lill-korp biex dawn il-problemi jiġu indirizzati fl-inqas żmien possibbli.
