Il-President Iranjan Masoud Pezeshkian skuża ruħu għall-attakki tal-Iran fuq pajjiżi reġjonali, fejn insista li Tehran kien se jwaqqafhom u ssuġġerixxa li dawn kienu kkawżati minn nuqqas ta’ komunikazzjoni.
Pezeshkian għamel id-dikjarazzjoni f’diskors li xxandar mit-televiżjoni tal-istat. Dan wara attakki ripetuti nhar is-Sibt filgħodu fuq il-Bahrain, l-Arabja Sawdija u l-Emirati Għarab Magħquda.
“Nitlob skuża… lill-pajjiżi ġirien li ġew attakkati mill-Iran,” qal Pezeshkian f’diskors imxandar mit-televiżjoni tal-istat. “Irrid niskuża ruħi f’ismi u f’isem l-Iran lill-pajjiżi ġirien li ġew attakkati mill-Iran,” qal.
Pezeshkian qal li l-kunsill temporanju tat-tmexxija tiegħu approva s-sospensjoni tal-attakki kontra pajjiżi ġirien sakemm attakk fuq l-Iran ma jiġix minn dawk il-pajjiżi.
“Il-kunsill temporanju tat-tmexxija qabel ilbieraħ li l-ebda attakk ieħor ma jsir fuq pajjiżi ġirien u l-ebda missili ma jiġu sparati sakemm attakk fuq l-Iran ma joriġinax minn dawk il-pajjiżi.”
