Il-President George Vella fl-ewwel reazzjoni tiegħu wara l-attakki li bdew aktar kmieni dalgħodu fl-Iżrael qal li jinsab ixxukkjat.
Fi stqarrija huwa kkundanna l-vjolenza kontra nies ċivili u kontra l-paċi. Huwa qal li l-paċi ma tistax tinkiseb permezz tal-vjolenza u li l-vjolenza ġġib iktar vjolenza.
Il-President tar-Repubblika żied li l-unika soluzzjoni hija taħditiet għall-paċi serji u b’intenzjoni tajba.
Huwa esprima l-kondoljanzi lill-qraba ta’ dawk li nqatlu f’dan l-attakk u awgura fejqan ta’ malajr li dawk midruba.
