Ilbieraħ, fi stqarrija, kien ikkonfermat li nstab priġunier Pakistan ta’ 25 sena mejjet fiċ-ċella tiegħu. Matul il-ġurnata numru ta’ rapporti allegaw li l-ġenituri tal-priġunier saru jafu bil-mewt ta’ binhom minn fuq il-midja.
Fid-dawl ta’ din l-istqarrija mill-ġenituri, l-Aġenzija u t-tmexxija tal-ħabs iċċarat li “waqt il-proċessi uffiċjali li jsiru, il-persuna nvoluta m’għaddietx dawn id-dettalji. Għalhekk wara l-mewt skattaw il-proċeduri normali fejn il-pulizija bħala parti mill-investigazzjoni tagħha tagħmel kuntatt mal-Konsulat tal-pajjiż konċernat biex ikunu identifikati u mgħarrfa l-qraba. Dan hu l-uniku mod uffiċjali kif setgħu jkunu mgħarrfa l-qraba ladarba ma ngħataw l-ebda dettalji lill-aġenzija.”
