Il-Malta Polo Club se tkun qed torganizza l-Prince Louis Cup li hu wkoll l-ewwel avveniment għas-sena 2025. Dan l-avveniment sportiv se jsir fil-Malta Equidrome bit-throw-in li se jseħħ fil-11am.
Iż-żewġ timijiet li se jikkontestaw dawn l-erba’ chukkas huma Los Buenos u Horse Power. Los Buenos huma magħmula minn Karl Galea, Bradlee Farrugia, Sarah Manduca u Chris Delia filwaqt li Matthew Borg, Jeremy Besancon, Simon Psaila u Matthew Grech jiffurmaw Team Horse Power.
L-umpires għal din il-logħba se jkunu Gaston Etcheberry u Steve Vassallo b’Philip Wismayer li se jkun it-tielet uffiċjal.
Dan l-avveniment se jsir bl-appoġġ ta’ EquestriMalta.