Il-Palazz ta’ Buckingham ħabbar li l-Prinċep Andrew se jitlef it-titlu ta’ prinċep u se jitlaq mir-residenza rjali tiegħu f’Windsor.
Andrew Mountbatten Windsor, ċeda t-titli rjali l-oħra tiegħu aktar kmieni dan ix-xahar, inkluż id-Duka ta’ York, wara li feġġew aktar mistoqsijiet u allegazzjonijiet dwar il-ħajja privata tiegħu.
Il-Palazz qal li l-eks prinċep qabel li jitlaq mir-Royal Lodge hekk kif ir-rabtiet tiegħu ma’ Jeffrey Eipsten qed ikomplu jikkawżaw kontroversja.
Huwa mifhum li din i-deċiżjoni ttieħdet minħabba żbalji serji fil-ġudizzju ta’ Andrew, filwaqt li huwa għadu jiċħad l-akkużi kontrih.
Huwa mifhum ukoll li hu m’oġġezzjonax għad-deċiżjoni tar-Re li jneħħilu t-titli.