Fil-ktieb il-ġdid tal-Prinċep Harry, bl-isem ta’ Spare, li se jkun ippubblikat fil-jiem li ġejjin, huwa jiżvela li kien jagħmel użu mill-kokaina meta kellu 17-il sena u dan minħabba li kienet tgħinu jħossu differenti.
Jinkludi wkoll rakkont ta’ kif il-Prinċep Harry sar jaf li ommu tilfet ħajjitha f’inċident tat-traffiku. Kien propju missieru li mar iqajmu billejl u qallu li ommu, il-Prinċipessa Diana, tilfet ħajjitha f’inċident tat-traffiku f’Pariġi.
Intant, l-ewwel reazzjoni tal-Prinċep Harry kienet ta’ xokk kbir. Fl-istess ktieb hemm miktub li Harry qal lil missieru li ma ridux li jiżżewweġ lil Camilla. Minkejja dan, hu u ħuħ, il-Prinċep William, wiegħdu lil missierhom li lil Camilla se jagħmlu minn kollox biex jilqgħuha fil-familja tagħhom.
Jingħad ukoll li Meghan Markle kienet il-kaġun ta’ argument bejn il-Prinċep Harry u l-Prinċep William. Jiżvela wkoll episjodi ta’ umilazzjoni u wħud mill-esperjenzi li għadda minnhom il-Prinċep Harry.
