Il-Prof. Edward Scicluna mhux se jibqa’ Gvernatur tal-Bank Ċentrali ta’ Malta sakemm ikun għadu għaddej il-każ tiegħu quddiem il-Qorti Maltija b’rabta mal-akkużi li qed jaffaċċja fuq il-konċessjoni tal-isptarijiet.
Il-Professur Scicluna kiteb lill-President tal-Bank Ċentrali Ewropew Christine Lagarde fejn għamel it-talba tiegħu biex ma jibqax fil-kariga tiegħu.
Fi stqarrija l-Kabinett tal-Ministri nnota t-talba tal-Prof. Scicluna lil Lagarde u qal li d-deċiżjoni tal-Professur Scicluna hi fl-interess nazzjonali.
Id-Deputat Gvernatur tal-Bank Ċentrali Alexander Demarco se jkun qed jassumi t-twettiq tal-funzjoni ta’ Gvernatur tal-Bank Ċentrali ta’ Malta.
