Wasal fl-aħħar fażi tiegħu l-proġett tal-Għeriexem fir-Rabat li hija ż-żona li mill-Villa Rumana tagħti sa ħdejn ir-roundabout lejn l-Imtarfa.
Il-Ministru għat-Trasport, Infrastruttura u Proġetti Kapitali Ian Borg żar ix-xogħol fil-preżenza tal-Kap Eżekuttiv ta’ Infrastruttura Malta Fredrick Azzopardi.
Il-proġett jinkludi l-bini ta’ ‘storm water culverts’ li se jindirizza l-problema tal-għargħar fl-inħawi inkluż ‘pipeline’ twil nofs kilometru u wiesa’ metru biex jgħin fil-ġbir tal-ilma.
Borg faħħar lil Infrastruttura Malta għall-mod kif tmexxi l-proġett u sostna li permezz tiegħu qed tkun indirizzata probema li ħadd ma ried jindirizzaha.
