Il-Protezzjoni Ċivili ta’ Malta tavża li rjieħ qawwija sa qawwija ħafna huma mistennija li jaffettwaw il-Gżejjer Maltin fis-sigħat li ġejjin, sa’ għada fis-6:00 a.m.
Permezz ta’ messaġġ fuq Facebook, ic-CPD qalet; “Inħarġet Twissija Ħamra. Jekk jogħġbok oqgħod attent ħafna”
Għas-sigurtà tiegħek:
🌬️ Evita li taħdem fl-għoli, inkluż fuq il-bjut, gallariji, scaffolding, u strutturi esposti.
🌊 Żomm ’il bogħod mix-xatt, mill-imħaffer, u miż-żoni kostali minħabba l-kundizzjonijiet perikolużi tal-baħar u l-mewġ qawwi.
🔧 Assigura oġġetti maħlula fuq barra li jistgħu jinġarru minn buffuri qawwija.
🚗 Suq b’attenzjoni, partikolarment f’żoni miftuħa u esposti fejn jista’ jkun hemm irjieħ trasversali f’daqqa.
Il-pubbliku huwa mħeġġeġ isegwi l-aġġornamenti u l-istruzzjonijiet uffiċjali hekk kif tiżviluppa s-sitwazzjoni.