Il-Pulizija Franċiża sparaw fuq raġel u qatluh wara li beda jheddidhom fl-istazzjon tal-ferrovija ta’ Gare du Nord f’Pariġi.
Ir-raġel ħebb għal żewġ uffiċjali tal-pulizija b’sikkina twila 30 ċentimetri, waqt li kienu qed jagħmlu ronda fl-imsemmi stazzjon.
Rapporti qalu li fuq is-sikkina nstabu kliem kontra l-pulizija. F’dan l-inċident, li seħħ ilbieraħ filgħodu, ma weġġa’ l-ebda uffiċjal tal-pulizija.
L-awtoritajiet tal-pajjiż jemmnu li dan l-inċident ma kienx relatat mat-terroriżmu.
