Ftit tal-ħin ilu l-Pulizija ppubblikat stqarrija oħra bħala aġġornament għall-istqarrijiet dwar investigazzjonijiet fis-Sezzjoni tat-Traffiku, b’rabta ma’ allegat abbuż fis-sahra.
Fl-istqarrija ntqal li wara investigazzjonijiet mill-Pulizija, flimkien mal-Maġistrat Inkwerenti, dalgħodu, fir-Reġistru tal-Qorti, il-Pulizija ppreżentat l-akkużi fil-konfront ta’ 32 persuna.
Il-persuni nvoluti jinsabu akkużati bi frodi u kompliċità ta’ frodi, kif ukoll jinsabu akkużati li għamlu dikjarazzjonijiet foloz u b’kompliċita ta’ dikjarazzjonijiet foloz.
Fil-jiem illi ġejjin, se jkunu qed jiġu ppreżentati akkużi fil-konfront ta’ aktar persuni. Il-kawżi fil-konfront ta’ dawn il-persuni se jibdew jinstemgħu fil-jiem illi ġejjin, wara li l-Qorti tassenji liema Maġistrat/i se jisma’/jisimgħu l-kawżi.
