Il-Pulizija dalgħodu komplew bit-tfittxija għal Salvatore Di Prima, it-Taljan ta’ 49 sena mfittex fuq suspett li pprova joqtol lil ibnu ta’ 12-il sena.
It-tifel għadu qiegħed jingħata l-kura fl-Isptar Mater Dei minħabba l-ġrieħi li sofra.
Dalgħodu t-tfittxijiet komplew fiż-żona ta’ Baħar iċ-Ċagħaq, kemm fuq il-baħar kif ukoll fuq l-art. Dan wara li lbieraħ l-Pulziija f’din iż-żona sabu l-mobile tal-allegat aggressur. Skont rapport fil-midja l-missier bgħat messaġġ li se jtemm ħajtu.
Kien nhar is-Sibt filgħaxija meta għall-ħabta tal-10.00pm it-tifla tal-allegat aggressur qalet lill-pulizija li missierha kien qatel lil ħuha.Il-pulizija marru fuq il-post fejn sabu lit-tifel li ġie ċċertifikat li kellu ġrieħi gravi.