Qorti fir-Renju Unit iddeċidiet li Julian Assange ma jistax jiġi estradit lejn l-Istati Uniti.
F’deċiżjoni li ttieħdet dalgħodu, il-Qorti Ingliża ċaħdet it-talba biex il-fundatur ta’ Wikileaks jiġi estradit lejn l-Amerka minħabba tħassib dwar il-kundizzjoni ta’ saħħa mentali tiegħu u r-riskju li huwa jagħmel suwiċidju.
L-Amerka ilha żmien twil tistenna li Assange jkun f’idejha biex jaffaċċja akkużi dwar ħruġ ta’ dokumenti sigrieta bejn l-2010 u l-2011.
Skont l-avukat tiegħu, l-akkużi kontrih setgħu waħħluh 175 sena ħabs fl-Amerka. Minkejja dan il-gvern Ingliż qal li aktar kemm ċans li s-sentenza tkun tvarja bejn erba’ u sitt snin.
