Il-White House, ir-residenza uffiċjali tal-President tal-Istati Uniti qed tagħmel minn kollox biex tbatti l-pressjoni tal- mistoqsijiet dwar is-saħħa mentali u fiżika Joe Biden, bil-president tal-Istati Uniti nnifsu jgħid lil dawk fil-partit li qed jiddubitaw minnu biex jew jisfidawh jew jingħaqdu wara l-kandidatura tiegħu.
F’konferenza tal-aħbarijiet aktar tard nhar it-Tnejn, il-kelliema tal-president warrbet spekulazzjonijiet li Biden jista’ jkun qed isofri minn marda miżmuma moħbija. Tant li fil-konferenza stampa ta kuljum tat-Tnejn wara nofsinhar, is-segretarju għall-istampa tal-White House Karine Jean-Pierre ċaħdet li Biden kien qed jiġi kkurat għall-marda ta’ Parkinson, li tista tikkawża nuqqas ta’ moviment fiżiku u diskors imfixkel.
Hija kienet qed twieġeb mistoqsija dwar rapport fin-New York Times li espert dwar il-marda ta’ Parkinson kien żar il-White House tmien darbiet mis-sena li għaddiet ‘l hawn.
F’ittra li ħareġ nhar it-Tnejn filgħaxija t-tabib ta’ Biden, Dr Dr Kevin O’Connor ikkonferma li l-ispeċjalista inkwistjoni, Dr Kevin Cannard, kien ilu konsulent tan-newroloġija tal-White House mill-2012 u jgħin mijiet ta’ nies fix-xogħol assenjati lilhom fil-White House.
O’Connor innota wkoll li l-aħħar statistika dwar saħħet il-president Biden fi Frar li għadda, kienet “estremament speċifikata” u fiha ma nstab xejn li jindika disturb ċerebellari jew newroloġika ċentrali. Iżda l-iskrutinju fuq is-saħħa ta’ Biden x’aktarx li ma jisparixxix din il-ġimgħa hekk kif Biden se jkun qed jospita summit f’Washington għall-mexxejja tal-pajjiżi tan-NATO.
Madankollu, l-ispekulazzjonijiet dwar il-qagħda fiżika u mentli tal-president għadha suġġett ta’ inkwiet għad-Demokratiċi, tant li hemm diversi senaturi u membri tal-Kungress li qed jinsistu biex Biden jitlaq.
Dan it-tħassib saħansitra qed jinkwieta wkoll lid-donturi finanzjarji Demokratiċi. Fil-fatt xi wħud minnhom diġa ssospendew id-donazzjonijiet tagħhom u qalu wkoll li jwaqqfu d-donazzjonijiet jekk Biden jibqa fit-tellieqa.
Sors wieħed familjari ma’ dak li kien qed jiġri qal lil CBS News li l-president qal lid-donaturi Demokratiċi li l-istrateġija tiegħu għat-tieni dibattitu kontra Trump f’Settembru se tkun “attakk, attakk, attakk”.
Sadanittant, Biden qed isib l-appoġġ tal-leġiżlatur tax-xellug ta’ New York Alexandria Ocasio-Cortez li qalet lill-ġurnalisti li l-kwistjoni hija magħluqa u Joe Biden huwa n-nomina tal-partit Demokratiku.
Ayanna Pressley ta ‘Massachusetts, Maxine Waters ta’ Kalifornja, u Frank Pallone ta ‘New Jersey tennew ukoll l-appoġġ tagħhom għal Joe Biden.
Għal kuntrarju, aktar kmieni matul il-ġurnata, Adam Smith tal-istat ta’ Washington sar is-sitt membru tal-Kungress li ħeġġeġ pubblikament lis-Sur Biden biex jitlaq mit-tiġrija presidenzjali.
Skont Aġenziji tal-aħbarijiet Amerikani, nhar il-Ħadd, il-mexxej tal-minoranza Demokratika fil-Kamra tar-Rappreżentanti, Hakeem Jeffries, kellu sejħa minn diversi membri tal-Kungress li fiha kienu espliċiti biex iħeġġu Biden iwarrab.
Trump, li għandu 78 sena, irredikola Biden dwar id-dibattitu, u l-ġimgħa li għaddiet ittikkettja lir-rivali tiegħu bħala “imkisser”. L-alleati ta’ Biden esprimew eżasperazzjoni dwar il-kritika tal-midja li qed jiffaċċja, filwaqt li l-isfidant Repubblikan, Donald Trump, reċentement kien instab ħati f’każ ta ‘hush-money lil prostituta Stormy Daniels.
Fost l-ispekulazzjoni dejjem tikber dwar il-kandidatura ta’ Biden f’Novembru, il-ħsibijiet ta ‘xi Demokratiċi daru lejn min jista’ jissostitwih. Xi membri tal-partit ingħaqdu madwar il-Viċi President Kamala Harris, li hija s-sieħba ta’ Biden fit-tmexxija. Waqt intervisti l-ġimgħa li għaddiet, Biden irrikonoxxa li kien “ħawwad” fid-dibattitu, iżda aktar tard ħalef li l-Alla l-Imbierek biss jista’ jikkonvinċih biex itemm il-kandidatura tiegħu u jieqaf mit-tiġrija biex jerġa’ jirbaħ il-White House.
