Illejla, il-kuntrattur ġie ordnat jaqla’ s-saff t’asfalt li tpoġġa fi Triq Tal-Barrani fiż-Żejtun.
Dan qalitu Infrastructure Malta f’messaġġ fuq Facebook, fejn spjegat li dan qed iseħħ wara li ma ntlaħqux il-livelli ta’ kwalità skont l-istandards meħtieġa.
Ingħad li bi spejjeż tal-kuntrattur, fl-iljieli li ġejjin se jingħata saff ġdid t’asfalt fiż-żewġ karreġġjati ta’ Triq Tal-Barrani.
Huma ħeġġew lis-sewwieqa sabiex isuqu bil-galbu u sabiex isegwu l-istruzzjonijiet tal-uffiċċjali minn fuq il-post.
