Illum hi l-aħħar ġurnata fl-elezzjoni għall-ħatra ta’ Kap ġdid Nazzjonalista bejn Alex Borg u Adrian Delia. Dan wara li fl-ewwel ġimgħa ta’ Ġunju, Grech irreżenja mill-kariga.
Midja lokali rrapurtat li skont ċifri ppubblikati mill-PN innifsu, f’din l-elezzjoni interna huma eliġibbli li jivvotaw madwar 20,600 tesserat, li jammontaw għal 900 inqas imqabbel mal-aħħar elezzjoni ta’ Kap f’Ottubru tal-2020.
S’issa f’żewġ votazzjonijiet bikrija li saru l-ġimgħa l-oħra, ivvotaw b’kollox mal-40% tat-tesserati.
Matul il-ġurnata tal-lum, dan is-sit se jkun qed jaġġorna kontinwament l-andament tal-proċess.
