Hekk kif dalgħodu is-summit tal-OSCE f’Ta’ Qali jidher li hu kwiet ħafna u dan hekk kif xi delegazzjonijiet telqu fosthom dik tar-Russja. Ilbieraħ filgħaxija u anke dalgħodu se jkomplu għaddejjin diversi laqgħat b’mod partikolari laqgħat bilaterali u li għandhom jiddeterminaw ir-riżultat ta’ dan is-summit.
Summit li qiegħed isir fi klima internazzjonali taħraq b’kunflitti li qegħdin jeskalaw fosthom dak tal-Ukrajna. Fost diversi membri ta’ delegazzjonijiet b’mod partikolari dawk fil-lvant tal-Ewropa u anke fost ġurnalisti barranin, id-diskussjoni kienet dwar l-aħħar żviluppi fl-Ukrajna b’mod partikolari il-mod kif għadd ta’ qagħdiet militari Russi fin-nofsinhar ta’ Kurakhove inqerdu minn attakki u Ukreni u infetaħ dak li qed jitqies bħala kuritur f’art li kienet meħuda mir-Russja.
Id-deċiżjonijiet fis-summit tal-OSCE mhux dejjem huma faċli u dan għaliex iridu jittieħcdu b’konsensus.
