Mil-lum Malta tkun fuq il-mappa Ewropea tal-football hekk kif se tospita l-20 edizzjoni tal-Kampjonat Ewropew ta Taħt it-19-il sena.
Dan it-tournament se jintlagħab fuq ġimagħtejn bil-finali tkun, il-Ħadd 16 ta’ Lulju.
Iċ-champions renjanti huma l-Ingilterra iżda se jkunu assenti minħabba li naqsu milli jikkwalifikaw għall-fażi finali.
Il-Maltin se jkun fi Grupp A, bl-avversarju se jkunu l-Italja, il-Portugall u l-Polonja.
Grupp B huwa kompost mill-Greċja, l-Islanda, in-Norveġja u Spanja, b’dawn tal-aħħar huma l-favoriti li jgħollu t-tazza.
Ir-rebbieħa ta’ kull grupp jilagħbu fis- semi-finali kontra t-team li jtemm fit-tieni post mill-grupp l-ieħor u eventwalment ir-rebbieħa jaffrontaw lil xulxin fil-finali.
Bla dubju, l-avversarji tal-Maltin huma mill-aktar diffiċli u għaldaqstant il-preparazzjoni ilha għaddejja għal dawn l-aħħar xhur taħt ir-responsabbiltá tal-coach Portugiż, Antonio Mendez.
Għaxar players mill-għażla finali tal-iskwadra ta’ 20 jilagħbu barra minn xtutna jew inkella kkwalifikaw għall-passaport Malti minħabba l-antenati tagħhom.
Il-logħbiet tal-Maltin huma:
Illum: v Italja, fl- Istadium Nazzjonali, fid-9.00 pm.
Il-Ħamis, 6 ta’ Lulju: v Polonja, fis-Centenary Stadium, fid-9.15 pm.
Il-Ħadd, 9 ta’ Lulju: v Portugall, fil-Gozo Stadium, fis-6.00 pm.
L-iskwadra finali hija:
Goalkeepers: Luca Camilleri (Mosta), Hugo Sacco (Olympique Marseille – Franza)
Difensuri: Jake Micallef (Boavista – Portugall), Jake Vassallo (Mosta), Ivin Farrugia (Pietá H.), Tristan Viviani (San Diego State Aztecs – Stati Uniti), Mattias Ellul (St Andrews), Sven Xerri (Hamrun S.)
Midfielders: Bjorn Buhagiar (Hamrun S.), Andy Borg, Brooklyn Borg (Gzira U.), Benjamin Hili (Balzan), Dylan Scicluna, Lucas Scicluna (Wolverhamptom Wanderers – Ingilterra), Lucas Caruana (Sampdoria – Italja), Daniel Letherby (Corpus Christi – Stati Uniti).
Attakkanti: Alfie Bridgman (Portsmouth – Ingilterra), Basil Tuma (Reading FC – Ingilterra), Nathan Cross (Birkirkara), Sean Gatt (Boavista – Portugall).
