Mil-lum sa nhar it-Tlieta li ġej jintlagħbu l-ewwel żewġ ġranet tal- edizzjoni tal-UEFA Nations League 2025 mifruxa fuq erba’ kampjonati skond il-klassifikazzjonijiet tal-edizzjoni preċedenti.
Din il-kompetizzjoni, li tintlagħab kull sentejn, ġiet fis-seħħ biex jinqatgħu l- partiti ta’ ħbiberija u tipprovdi partiti kompetittivi għal dawk it-timijiet ekwivalenti mar-rankings tagħhom.
L-istruttura hija f’forma ta’ kampjonati bil-promozzjoni u r-relegazzjoni, b’54 team jieħu sehem … minbarra r-Russja għal raġunijiet politiċi.
Din se tkun ir-raba’ edizzjoni hekk kif it-tlieta preċedenti ġew mirbuħa mill-Portugall (2019), Franza (2021) u Spanja (2023).
Il-holders Spanjoli jibdew id-difiża tagħhom proprju llum barra minn darhom kontra s-Serbja.
It-team Malti jinsab f’League D Grupp 2 flimkien mal-Moldova u Andorra, b’ċans tajjeb li niksbu l-promozzjoni għal-League C.
L-ewwel żewġ impenji se jkunu barra minn darna kontra l-Moldova (nhar is-Sibt li ġej) u kontra Andorra (it-Tlieta, 10 ta’ Settembru).
Interessanti huwa l-fatt li l-Ingilterra se jilagħbu fi League B Grupp 2 wara li ġew relegati mill-ogħla diviżjoni.
Il-programmi tal-ġranet se jintlagħbu kif ġej:
It-tielet u r-raba’ ġurnata – mill-10 sal-15 ta’ Ottubru.
Il-ħames u s-sitt ġurnata – mill-14 sad-19 ta’ Novembru.
Il-kwarti-finali ta’ League A jintlagħbu bejn l-20 u l-25 ta’ Marzu 2025, filwaqt li t-tournament finali jintlagħab bejn l-4 u t-8 ta’ Ġunju.
Ir-rebbieħa jingħataw l- premju ta’ €10.5 miljuni filwaqt li l-finalisti jieħdu €9 miljun.