Fl-2011, l-eks plejer tal-futbol ta’ Motherwell Chris Ewing ġibed ispirazzjoni mis-snin tiegħu ta’logħob tal-futbol professjonali fl-Iskozja u l-esperjenza tiegħu bħala student-atleta fl-Istati Uniti biex iniedi l-Edusport Academy.
L-intenzjoni tiegħu kienet li tiġbor flimkien l-isport, l-edukazzjoni, u l-ivvjaġġar.
L-ewwel dħul fl-Akkademja kien grupp ta’ plejers tal-futbol Franċiżi li wrew kapaċitajiet u potenzjal tajjeb iżda li kienu jeħtieġu ħiliet fil-lingwa Ingliża bit-tama li jimxu l-quddiem fil-karriera tagħhom.
L-Akkademja Edusport hija l-unika Akkademja privata fir-Renju Unit li għandha sħubija f’Assoċjazzjoni tal-FIFA u ngħatat kategorija ta’taħriġ tal-Livell 2 tal-FIFA. L-Akkademija hija membru sħiħ tal-FA Skoċċiża, u ngħatat l-Liċenzja esklussiva tal-UEFA Club. Bħalissa l-Akkademja toffri programmi ta’ taħriġ fil-Futbol, Rugby u Basketball.
Il-premessa ta’Ewing hija li l-isport u s-suġġetti akkademiċi huma kruċjali. L-ispirtu tat-tim miksub mill-isport, akkoppjat ma suġġestti akkademiċi jgħin biex tissawwar il-personalità ta’ l-atleta u jservi biex jipprovdi riżultati pożittivi għall-istudenti.
Ewing iġib miegħu snin ta ‘esperjenza u kompetenza. Minbarra l-esperjenza atletika tiegħu, huwa kowċ kwalifikat mill-UEFA u għandu Masters fl-International Sports Management mill-Istitut prominenti Johan Cruyff li miegħu l-Akkademja tikkollabora mill-qrib.
“Minħabba li noffru programmi ta’ taħriġ għall-atleti elite, nirrikjedu lill-plejers tagħna li jieħdu r-responsabbiltà għall-iżvilupp tagħhom u nisħqu li l-futur tagħhom jiddependi fuq l-attitudni tajba, l-etika tax-xogħol u l-mentalità tagħhom” – Chris Ewing.
L-Akkademja Maltija bdiet bi programm tal-futbol bl-intenzjoni li fil-futur qarib tespandi għal sport ieħor. F’Malta nħatar il-maniġer tal-futbol rispettat Mark Miller bħala Head Coach bit-taħriġ li qed isir fil-kumpless tas-Sliema Wanderers. Miller bħalissa qed iħarreġ ’il fuq minn għoxrin plejer tal-futbol, li għandhom iktar minn 18-il sena li bdew jitħarrġu u jibbenefikaw mill-programmi tal-Akkademja. Il-parteċipanti fl-Akkademja jagħmlu wkoll għaxar sigħat fil-ġimgħa ta’lezzjonijiet intensivi fil-lingwa Ingliża. L-għażla ta’dan is-suġġett hija bbażata fuq it-twemmin li l-lingwa Ingliża hija iktar importanti minn qatt qabel u li wieħed jkun jaf il-lingwa tagħti vantaġġ kompetittiv u aktar aċċess għal opportunitajiet. L-Akkademja qed taħdem mill-qrib mal- AM Language Schools, li għanda reputazzjoni impekkabli biex tipprovdi tagħlim bħal dan.
It-tnedija tal-Edusport Academy f’Malta seħħ dalgħodu fil-bażi tat-taħriġ tagħhom fil-Faċilità tas-Sliema Wanderers f’Tigne. Preżenti għat-tnedija kien hemm is-Segretarju Parlamentari għall-Isport, Rikreazzjoni u Organizzazzjonijiet Volontarji Clifton Grima flimkien mal-President tas-Sliema Wanderers Club is-Sur Keith Perry, l-Head Coach Mark Miller u l-kunsillier Wallace Vella Baldacchino.
“Ninsabu kuntenti li qedin iniedu l-Akkademja f’Malta. Ir-rabtiet storiċi li jorbtu lil Malta u l-Gran Brittanja kienu kruċjali fid-deċiżjoni tagħna li nagħżlu lil Malta bħala t-tieni dar tagħna. Il-klima mill-isbaħ t ‘Malta, il-merħba li jafu jgħatu l-Maltin, il-fatt li l-Ingliż huwa lingwa uffiċjali u l-potenzjal tat-turiżmu sportiv kollha kellhom rwol ewlieni fit-tnedija tal-lum.” spjega Ewing. “L-Isport u l-Edukazzjoni huma l-pedament tal-programm tagħna u naraw opportunità eċċitanti hawn Malta li hi suq emerġenti b’ħafna potenzjal”.
Is-Segretarju Parlamentari għall-Isport, Rikreazzjoni u Organizzazzjonijiet Volontarji Clifton Grima faħħar l-inizjattiva li għaqqdet żewġ niċeċ importanti li jimxu id f’id fl-iżvilupp tal-ġenerazzjoni li jmiss.
Grima rrimarka li inizjattivi bħall-Edusport Academy, kunċett ġdid f’Malta, se jwasslu l-isport b’mod ġenerali għal-livell li jmiss. “Nixtieq nifraħ lil Chris Ewing għal din l-inizjattiva ġdida f’Malta,” temm jgħid l-Onorevoli Grima.
Aktar informazzjoni dwar il-programmi tal-Edusport Academy tista ’tinstab permezz tas-sit elettroniku – https://www.edusportacademy.com/
