Il-Programm ta’ Volontarjat GSSE2023 tnieda dalgħodu f’attività mtella’ mill-Kumitat Olimpiku Malti u SportMalta li għaliha attendew l-Onor. Dr Clifton Grima, Ministru għall-Edukazzjoni, Sport, Riċerka, Innovazzjoni u Żgħażagħ kif ukoll numru ta’ mistednin oħra.
Jilqgħa lil dawk preżenti kien iċ-Chairman tal-Kumitat Organizzattiv Lokali Mark Cutajar beda billi feraħ għar-riżultati miksuba atleti Maltin tat-tennis Francesca Curmi u Elaine Genovese li ġabu Midalja tal-Fidda mis-sehem tagħhom fil-Logħob tal-Mediterran. Dan jawgura tajjeb u jservi ta’ motivazzjoni biex atleti oħra jkomplu bl-impenn tagħhom biex jippreparaw għal dawn il-Logħob. Cutajar kompla jispjega li statistika riċenti dwar l-ingaġġ tal-volontarjat turi li din mhix biċċa xogħol faċli iżda kien hemm ħafna ħidma ta’ sfond ma’ diversi entitajiet kemm min-naħa tal-gvern kif ukoll entitajiet privati oħra biex jassistu biex jattiraw voluntiera mis-setturi kollha. tas-soċjetà. Dan se jġib ukoll aktar għarfien tal-Logħob u appoġġ eventwali matul l-avveniment.
Fl-attività tkellem Ian Restall li għandu għadd ta’ sigħat ta’ ħin ta’ volontarjat u li spjega li l-volontarjat huwa esperjenza ta’ arrikkiment li se tħalli marka li ma titħassarx fuq dawk kollha involuti. Ingħaqad miegħu Joseph Cassar, membru tal-kumitat organizzattiv tal-Logħob. Cassar għandu wkoll esperjenza kbira fil-qasam tal-volontarjat u se jkun qed jikkoordina l-Programm tal-Volontarjat għall-2023.
Viċi President tal-Kumitat Olimpiku Malti u Chef de Mission għal-Logħob, Paul Sultana enfasizza r-rwol vitali tagħhom u l-ħtieġa konsiderevoli li jkun hemm grupp b’saħħtu ta’ voluntiera li se jkunu qed jikkontribwixxu lejn esperjenza pożittiva għal madwar 1000 atleta, 500 uffiċjal f’10 dixxiplini f’ħdax il-lokalita. Sultana temm billi rringrazzja lil Joseph Cassar li flimkien mat-tim tiegħu ilhom jagħmlu xogħol kruċjali, biex jimpenjaw voluntiera, ma’ diversi istituzzjonijiet biex jimpenjaw voluntiera bħall-MCAST, l-IPES u l-ITS li kkommettew l-appoġġ tagħhom lejn din il-kampanja.
“Qed isiru tħejjijiet kbar għal dan l-avveniment sportiv u llum qed immorru pass ieħor billi qed nagħmlu din is-sejħa għal dawk kollha li jixtiequ li jipparteċipaw bħala voluntiera”, qal il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima. Huwa kompla jgħid li għaddej ħafna xogħol bi tħejjija għal dan l-avveniment, li mhuwiex biss xogħol infrastrutturali fil-faċilitajiet sportivi, imma hemm ukoll xogħol organizzattiv, laqgħat ta’ konsultazzjoni u koordinament. “F’din l-organiżazzjoni qed ninvolvu lil kulħadd għaliex irridu li din tkun esperjenza li mhux biss igawdu minnha l-isportivi tagħna, imma jgawdi minnha wkoll il-poplu b’mod ġenerali”, qal il-Ministru Grima.
L-individwi li jixtiequ jkunu parti mill-Programm tal-Voluntiera tal-GSSE 2023 huma mistiedna jirreġistraw l-interess tagħhom online permezz ta’ din il-link – https://nocmalta.org/gsse-2023/
Il-partijiet interessati jiġu mistiedna jagħmlu intervista u se jingħata wkoll taħriġ sussegwenti.
