Johan Neeskens, parti mit-timijiet tal-Ajax u tal-Olanda li ħolqu l-kunċett ta’ “total football” fis-snin 70 u sieħeb ewlieni ta’ Johan Cruyff, miet fl-età ta’ 73 sena.
Neeskens kien parti mit-tim ta’ Ajax li rebaħ tliet Tazzi Ewropej konsekuttivi fil-bidu tas-snin 70 u kien ukoll membru tat-tim Olandiż ‘Clockwork Oranje’ li laħaq finali konsekuttivi tat-Tazza tad-Dinja fl-1974 u l-1978.
Huwa lagħab 49 darba għall-Olanda.
Wara l-karriera tiegħu fil-logħob, Neeskens ħa sehem fi programmi ta’ kowċing madwar id-dinja.
