L-attur leġġendarju Sean Connery miet fl-età ta’ 90 sena. L-attur Skoċċiż, se jibqa’ mfakkar l-aktar għar-rwol ta’ James Bond, fejn kien l-ewwel attur li interpreta dan ir-rwol, u saħansitra deher f’seba’ films fil-karattru ta’ Bond.
Connery miet matul il-lejl li għadda waqt li kien rieqed. Huwa mifhum li huwa kien ilu għal żmien marid.
Il-karriera tiegħu ta’ atur kienet mifruxa fuq għexieren ta’ snin u fost oħrajn rebaħ Oscar, żewġ premji Bafta u tliet Golden globes.
Films popolari oħrajn jinkludu “The Hunt for Red October”, “Indiana Jones and the Last Crusade”, u “The Rock”.
Connery għalaq 90 sena f’Awwissu li għadda.
