L-eks manager ta’ Manchester United, Leicester City u Torquay United, Frank O’Farrell (ritratt), miet fl-età ta’ 94 sena.
Huwa kien internazzjonali tal-Irlanda u bħala player lagħab ma’ West Ham u Preston North End.
O’Farrell mar Torquay fl-1965 fl-ewwel minn tliet perjodi u wassalhom għat- titlu tar-Raba’ Diviżjoni fl-1966.
Huwa ngħaqad ma’ Leicester fl-1968 u wassalhom għall-finali tal-FA Cup tal-1969 u t-titlu tat-Tieni Diviżjoni tal-1971 qabel ma ħa post Sir Matt Busby fl-1971.
Manchester United spiċċaw fit-tmien post fl-ewwel staġun tiegħu fit-tmexxija u tkeċċa f’Diċembru tal-1972 bil-club it-tielet mill-aħħar fl-Ewwel Diviżjoni.
Huwa kompla jmexxi lil Cardiff City, it-team nazzjonali tal-Iran u kellu żewġ perjodi oħra f’Torquay – fejn aktar tard irtira – imżejjed ma’ qagħda f’Al-Shaab fl-Emirati Għarab Magħquda.
“Wara li kiseb daqshekk ma’ Torquay United u, wara li stabbilixxa l-pedamenti għal ħafna mis-suċċessi tiegħu ta’ wara, l-istatus ta’ Frank O’Farrell bħala leġġenda tal-club huwa bla dubju,” qalu Torquay United fi stqarrija.
West Ham United qalu: “Bniedem ta’ prinċipju, mitkellem bil-mod, ġenjali li kien maħbub u rispettat minn dawk kollha li kienu jafuh tajjeb, O’Farrell kien l-ixjeħ player ta’ West Ham li kien għadu ħaj qabel ma miet il-Ħadd filgħodu fl-età ta’ 94 sena u ħames xhur.
“Kulħadd f’West Ham United jixtieq jesprimi l-kondoljanzi sinċieri tiegħu lill-familja u l-ħbieb ta’ Frank f’dan il-mument ta’ niket.”
