10 persuni tilfu ħajjithom wara li fis-sigħat bikrin ta’ dalgħodu blokka appartamenti fi Franza ħadet in-nar.
Skont l-uffiċjali tal-lokal l-inċident seħħ f’bini residenzjali ta’ għoli madwar seba’ sulari fiż-żona Vaulx-en-Velin viċin il-Belt ta’ Lyon.
Fil-post issejħu madwar 170 pumpier/a sabiex jassistu fit-tifi tan-nar, però sfortunatament ma rnexxilhomx isalvaw lin-nies kollha.
L-awtoritajiet ikkonfermaw li ħamsa mill-vittmi huma tfal li għandhom bejn tliet snin u 15-il sena. Barra minn hekk erba’ persuni qed jiġi rikoverati l-isptar filwaqt li 10 persuni oħra, inkluż żewġ pumpiera, sofrew ġrieħi ħfief.
S’issa għadu mhux magħruf x’wassal biex il-blokka ħadet in-nar.
