Microsoft Direct Routing issa huwa disponibbli għan-negozji f’Malta grazzi għal kollaborazzjoni bejn Melita Business u Computime. Din is-soluzzjoni sigura tippermetti lin-negozji li jużaw Microsoft Teams bħala PBX.
Malcom Briffa, Chief Officer Business & IoT ta’ Melita, qal: “Minkejja l-bidliet veloċi fit-teknoloġija, it-telefonija tibqa’ rekwiżit ewlieni għall-biċċa l-kbira tan-negozji. Bis-saħħa tas-sħubija tagħna ma’ Computime, żviluppajna soluzzjoni biex nintegraw is-servizz tat-telefonija ta’ Melita mal-Microsoft Teams Phone biex inwasslu ġestjoni simplifikata tal-komunikazzjonijiet u ngħinu lill-organizzazzjonijiet itejbu l-kollaborazzjoni interna.”
Stephen Vella, CTO ta’ Computime qal: “Permezz ta’ din is-soluzzjoni bbażata fuq il-cloud, żviluppajna soluzzjoni sigura ta’ softwer biex tużah bħala servizz (SaaS) li hu faċli sabiex timplimenta. Din is-soluzzjoni tagħmel lin-negozji aktar aġili billi tintegra s-servizz tat-telefonija ta’ Melita Business mal-Microsoft Teams Phone.”
Is-servizz jgħaqqad b’mod sikur il-Malta SIP trunk tiegħek mal-Microsoft Teams Phone, billi juża Session Border Controller (SBC)-as-a-Service biex jiżgura li jilħaq l-istandards tekniċi kollha ta’ Microsoft. Il-klijenti jistgħu jagħżlu minn soluzzjoni sħiħa bbażata fuq il-cloud li tiddependi fuq il-pjattaforma SmartCloud ospitata f’Malta, jew soluzzjoni fuq il-post li tiggarantixxi komunikazzjoni robusta, sigura u skalabbli għan-negozju.
Biex titgħallem aktar dwar din is-soluzzjoni żur melitabusiness.com jew ikkuntattja [email protected].
