Xogħol urġenti li kellu jsir fi Triq Burmarrad akttar kmeni filgħodu minħabba ħsarat f’żewġ impjanti tal-asfalt wassal għal traffiku kbir fiż-żona kif ukoll f’partijiet oħra ta’ Malta.
Ta’ dan, Infrastructure Malta skużat ruħha u spjegat li x-xogħlijiet kellhom isiru matul il-lejl iżda dan ma setax isir minħabba l-ħsarat fiż-żewġ impjanti.
“Din is-sitwazzjoni kompliet tikkumplika ruħha b’temp ħażin, li tellef l-irkupru fil-ħidma ta’ dawn ix-xogħlijiet,” ammettiet l-entità li qed twettaq manutenzjoni fit-triq li nbniet mill-ġdid ftit snin ilu.
Minflok infetħet fil-5am, kif skedat, it-triq kellha tinfetaħ fid-9.30am.
