Ingliż ta’ 70 sena ġie mixli li stupra lil bintu ta’ 30 sena wara li kienu qed jixorbu flimkien ġo bar f’bajja fi Kreta, il-Greċja.
Pulizija li raw xi CCTV’s qalu li l-missier kien liebes l-abjad meta f’ħin minnhom huwa beda jagħmel xi mossi oxxeni lejn bintu li kienet fis-sakra, kif ukoll beda jagħtiha fuq wiċċha.
Il-mara rrappurtat li xi ħadd kien aggredieha iżda żiedet tgħid li hi ma tiftakar xejn ħlief li l-proxxmu li għamlilha din l-azzjoni kien liebes l-abjad.
Wara li sarulha xi testijiet mediċi, irriżulta li l-mara kellha xi ġrieħi fuq ġisimha minħabba li ġiet stuprata. Uħud mill-ġrieħi li kellha ġew ukoll ikkawżati minn ġebel li hemm fuq il-bajja stess.
Il-missier ċaħad dawn l-allegazzjonijiet li ġew miġjuba kontrih. Huwa ġie arrestat u qed ikun mixli b’reat ta’ stupru kif ukoll bi vjolenza domestika.
Il-vittma qalet lill-pulizija li ma temminx li missierha seta’ jasal biex jagħmlilha hekk. Hi żiedet tgħid li ma setax kien hu li attakkaha imma xi ħadd ieħor.
Għalissa l-missier qed jinżamm arrestat taħt il-liġi Griega b’patt li jekk huwa jammetti l-akkużi miġjuba kontrih u jagħmel apoloġija pubblikament tista’ titnaqqaslu s-sentenza.
