L-attakkant internazzjonali Pollakk, Robert Lewandowski qed jagħmel dak kollu possibbli biex jitlaq lil Bayern Munich minkejja li fadallu sena oħra kuntratt.
Huwa qal li: “Inħoss li mietet xi ħaġa ġo fija u ma rridx nibqa’ ma’ Bayern Munich. Ir-rispett għandu aktar valur mill-flus u għaldaqstant qed nittama li nilħaq qbil reċiproku mad-diriġenti tal-club biex eventwalment nitlaq mill-club.”
Id-destinazzjoni preferuta ta’ Lewandowski hija Barcelona iżda l-problema tal-Katalani hija li m’għandhomx biżżejjed fondi biex jiffirmaw players ġodda u għaldaqstant l-ewwel iridu jċedu bosta players.
