Minn Cristian Muscat
Kif bdiet l-imħabba tiegħek lejn il-futbol?
Meta kont żgħir, missieri rreġistrani fi skola tal-futbol fil-belt tiegħi u minn hemm beda kollox.
Kif gejt tilgħab f’Malta?
Ġejt Malta sempliċiment għax għoġobni kollox dwar il-pjan ta’ Birkirkara FC. Inqis din l-esperjenza bħala opportunità biex inkompli navvanza fil-karriera tiegħi.
Ħa mmur mal-ewwel għall-punt. Kif qed tħares lejn l-esperjenza ġdida tiegħek ma’ Birkirkara FC?
Jien grat lejn il-klabb u n-nies fil-klabb ta’ Birkirkara. Kulħadd laqagħni tajjeb ħafna. Inħares lejn din l-esperjenza bħala li qed nagħmel l-aħjar minn dan l-istaġun.
X’tikkummenta fuq il-livell tal-futbol Malti?
Kulma ili hawn Malta huwa perjodu qasir ta’ żmien biex nagħti l-opinjoni suġġettiva tiegħi, fejn kont involute f’żewġ logħbiet biss sa issa. Għalhekk nista’ ngħid li f’termini ta’ taħriġ, huwa professjonali ħafna u t-taħriġ huwa tajjeb ħafna.
U fuq ir-riżorsi (grawnds) fejn titħarrġu u tilagħbu l-logħob uffiċjali tagħkom?
Jien sodisfatt bil-kundizzjonijiet, m’għandi l-ebda lment rigward dan.
X’tikkummenta fuq l-esperjenza passata tiegħek ma’ Hajduk Split?
Hajduk huwa l-klabb tiegħi li ħabbejt minn mindu kont żgħir, klabb kbir imma ma nixtieqx nitkellem dwar l-esperjenza tiegħi kollha kemm hi.
X’tikkummenta fuq il-gowl mill-isbaħ li kont skurjajt proprju ma’ Hajduk Split kontra AC Milan fil-UEFA Youth League?
Dak il-gowl se jibqa’ mnaqqax fil-memorja tiegħi għal dejjem … jien onorat li skorjajt dak il-gowl!
Kif qed tħares lejn il-futur tiegħek fil-futbol?
Nemmen fija nnifsi u bl-għajnuna t’Alla m’għandi l-ebda dubju li kollox se jispiċċa tajjeb, imma ma nista’ nbassar xejn, sakemm inkun f’saħħti u mingħajr injury u se nkun tajjeb.
Għaddi messaġġ finali lil min jixtieq jagħmel karriera ta’ suċċess fil-futbol.
Il-parir tiegħi jkun li tagħmel dak li tħobb … hemm inġustizzji fl-isport, bħal fil-ħajja, imma taqtax qalbek għax qatt mhu tard wisq!