Inter jinsabu xi ftit inkwetati bil-kundizzjoni fiżika ta’ Hakan Calhanoglu li kellu jirtira minn mat-tim nazzjonali Tork minħabba problemi respiratorji. Din mhux l-uniku każ li kellhom in-Nerazzurri ma’ plejers li qed jilagħbu mat-timijiet nazzjonali minħabba li anke Alessandro Bastoni weġġa’ waqt sessjoni ta’ taħriġ mal-Italja.
In-Nerazzurri jittamaw li dawn iż-żewġ plejers ikunu disponibbli għall-kowċ Simone Inzaghi għal-logħba mill-kampjonat Taljan kontra Juventus disat ijiem oħra.
